Innlevering av kasserte fritidsbåtar til VØR
Miljødirektoratet har eiga refusjonsordning for fritidsbåtar levert på godkjent mottak. VØR kan ta i mot kasserte fritidsbåtar under 15 fot (4,57 m) utan innebygd motor. Den som leverer inn fritidsbåten må levere inn utfylt skjema frå Miljødirektoratet til vektoperatøren for å få refusjon. Mindre fartøy som seglbrett, kano, gummibåt med skrog og kajakk, kan ein også få pant for. Fritidsbåten må leverast heil for å få refusjon.
Viktig informasjon ved levering av båtvrak
- Publikum skal sjølv ha med seg eit ferdig utfylt papirskjema.
- Dette skjemaet er å finne på Miljødirektoratet sine sider.
- Skjemaet må signerast av vektoperatør på miljøstasjonen.
Når båten er levert
- Last opp skjemaet elektronisk som vedlegg til søknaden om Vrakpant - tilskudd til innlevering av kasserte fritidsbåter i Miljødirektoratets søknadssenter for å få refusjonen på 1000 kr.
Når kjem pengane?
Sender du skjemaet elektronisk, vil pengane kome innan ein til to månader. Skjema på papir vil ta lengre tid å behandle. Spørsmål kan stillast til Miljødirektoratet på telefon 951 23 500 eller på e-post: esshjelp(at)miljodir.no. Meir informasjon om vrakpant på båtar er å finne på Miljødirektoratet sine sider.