Papp, papir og drikkekartong

I papirdunken kan du ha både papp, papir og tome drikkekartongar. Dette skal ligge laust i dunken og ikkje vere innpakka i plastposar! Pass på at papiret er reint og utan matrestar.

Det er viktig å unngå feilsortering. Restavfall i papiret kan øydeleggje kvaliteten på resten av det innsamla papiret. Dersom du er usikker, kastar du papiret i restavfallet. Her er nokre døme på kva som skal og ikkje skal i papirdunken.

NB! Avfall som vert levert frå container-selskap og firmabilar vert rekna som næringsavfall

For å delta i Returkartonglotteriet må kartongen vere merka med namn og telefonnummer. Ein kartong er med i trekninga på 10 000 kr. Dersom du pakkar 6 kartongar i den 7 ande, er du med i trekning både på 10 000 kr og 100 000 kr. Korker kan vere på og kartongane kan gjerne stikke opp.

Du treng berre å:

• Skyl og tørk drikkekartongane
• Merk kartongane med namn og telefonnummer
• Legg kartongane eller kubbane direkte i papirbehaldaren

Papiret og pappen vert sendt til Bingsa for pressing, før det vert sendt vidare til papirfabrikkar. Resirkulert papir og papp gir eit vesentleg mindre klimaavtrykk samanlikna med å bruke jomfruelige råvarer i produksjon av nytt papir. Papirfiber kan gjenvinnast opptil sju gongar. Fabrikkar ligg i Skandinavia og Nord-Europa. Pris avgjer kvar det endar.

I papirfabrikkane blir papir og papp skilt frå drikkekartongane. Kartongane blir blanda med anna returfiber i ei trommelmaskin som løyser opp plast- og aluminiumsbelegg frå papirfiberet. Massen blir deretter silt for å fjerne korkar og lok før det går vidare inn i papirmaskina, der det blir dampa og pressa til nytt material.